› 選擇地區
三藩市
紐約
洛杉磯
其他美國地區
香港 台灣 北美
 
2016年10月12日

中環在線:
「迫金局」開拓幼兒市場 - 李華華

《積金時光機》會喺幼稚園播放,教小朋友點理財。

強積金一路俾人叫做「強迫金」,皆因佢總係謀住打工仔份人工。積金局俾班打工仔怨得多,竟然諗到條消毒要在起跑線嘅絕橋,向幼兒市場埋手,教育「未來強積金成員」儲蓄有幾重要。畢竟強積金都係儲蓄嘅一種,大家自細有儲蓄習慣,長大後就冇咁反感啩。

動畫教理財知識

今次係積金局第一次推出幼兒理財故事動畫系列《積金時光機》,畀小朋友學習正確嘅理財知識,聽聞仲會喺幼稚園播放,算係發展埋幼兒市場。
個理財動畫故事好簡單,係講一對來自未來嘅兄妹,由只有電子貨幣嘅未來世界回到過去,學識一張張一百蚊紙係要努力工作賺番嚟嘅,所以要從小要學識儲蓄,仲要唔好胡亂消費,先至可以為未來生活做好準備。
古仔其實十分正路,弊就弊在打工仔𠵱家筆強積金供款未必有得賺之餘,仲要交管理費,究竟強積金係點玩先有得賺,而且又真係足夠打工仔退休之用呢?呢個謎實在太深奧了,所以故事冇講,或者要等小朋友長大後慢慢參透。
如果家長覺得陪小朋友睇《積金時光機》時冇乜嘢做,不妨去「家長專區」網上平台,跟一班家長吹吹水,交流一下強積金賺到幾多、有乜投資心得,話唔定會有所領會,冇咁choking my air。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載