› 選擇地區
三藩市
紐約
洛杉磯
其他美國地區
香港 台灣 北美
 
2016年10月14日

財經評論:Winning慘輸之謎

《FIFA》的最大殺着,是幾乎有齊球隊以至各國聯賽的版權。 互聯網

近期開着部PS4,見到上緊線的朋友,十個有九個都係玩緊EA Sports出品的實況足球遊戲《FIFA 17》。
其實,10年前,如果要玩實況足球遊戲,機迷第一時間想起的,係Konami出品的《Winning Eleven》(近年改名叫PES)。但據近日網上流傳,《FIFA 17》在英國首周銷量超過了110萬套,而《PES 2017》甚至還沒有達到5萬套,前者銷量是後者的20多倍,甚至更多。Konami原先打算起死回生,結果輸的更慘。

講起《PES》,機迷都會繼續叫佢《Winning》,是不少機迷的童年回憶,記者就是其中一個。但近年來身邊朋友都過晒檔去玩《FIFA》,原因都是覺得《Winning》買唔齊所有球隊以至各國聯賽的版權。
《Winning》話自己係實況足球,原來一點都唔真實,只是得「地上最強」的西甲班霸巴塞隆拿、英超的利物浦及德甲的多蒙特等可以原名亮相。就連記者最心愛的曼聯,都要叫Man Red,唔係叫Manchester United,波衫更加唔係原裝設計,要自己上網搵「補丁」改返。至於廠方今次邀請資深足球評述員Keyman馬啟仁及前體育主播伍家謙作廣東話旁述,睇落是破天荒,想切合香港球迷口味,聽落則毫無誠意,但結果被批評過於生硬。
《FIFA》的最大殺着,是幾乎有齊球隊以至各國聯賽的版權,球場都係真實,捧場客自然多,9月尾出版的第一日,身邊已經超過10位朋友入咗手。始終,真的假不了,假的真不了,要贏回機迷的心,Konami要改善的,係做好真實的遊戲內容,而唔係請名人講幾句廣東話就掂!

記者:黃嘉銘

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載