› 選擇地區
三藩市
紐約
洛杉磯
其他美國地區
香港 台灣 北美
 
2016年11月02日

樂香園:投行版諸神的黃昏 - 密西比

瑞銀於第三季業績報告內,自行公佈10月獲證監會通知正調查該行新股保薦人業務。 資料圖片

全球收緊金融市場監管之風,在港颳起十級暴風。瑞銀於第三季業績報告內,自行公佈10月獲證監會通知,正調查該行新股保薦人業務,雖報告內並沒有再披露其他資料,但無論從瑞銀的「級數」、抑或從相關調查嚴重性看,今次事件,絕對有資格躋身香港2016年十大財金新聞。
有投行高層跟密西比說,事件一定有「下文」。他說:「好簡單,第一,若果件事唔係事關重大,點解要喺業績報告內主動披露?第二,通常大行都唔想壞消息蒲面,會盡量拆惦佢,除非真係搞唔惦;第三,啲新股唔單只係得一間投行做,雖然其他唔係主力,但都叫有份做,好難話完全唔關事。」
證監借機向反對上市改革業界殺雞警猴?投行高層輕笑一聲後說:「你諗得太多,因為雖然話喺10月收信,但睇番佢今年只係做得一單上市,即係一早已聞到燶味,晨咁早自己收緊接生意門欄,所以生意咪少咗咁多囉,同上市改革無關。」
事件將成為投行版「諸神的黃昏」?該高層又笑一聲並說:「你話呢?」
最新消息,渣打(2888)亦被證監調查,看來這場十級暴風,還會繼續好一段日子……

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載