› 選擇地區
三藩市
紐約
洛杉磯
其他美國地區
香港 台灣 北美
 
2016年11月02日

中環在線:周日遊行去交易所係咩玩法? - 李華華

港交所星期日都冇人返工,揀嗰日遊行唔知行畀邊個睇呢? 資料圖片

沉寂一輪嘅上市架構改革,踏入諮詢尾聲,開始又再起暗湧。噚日有傳反對改革陣營發起13號(星期日)遊行,仲話搵到成2,500人咁多,由中環遮打花園行去交易所(冇人返工㗎喎),講到咁大陣仗,拎咗不反對通知書未?
有傳發起人係一直大力反對改革嘅港交所(388)董事李君豪,佢身在倫敦,回應話唔係佢發起。
立法會議員(金融服務界)張華峰就話,一直都有聽聞,但業界大部份人都冇興趣遊行,「除非搵啲唔係業界嘅人(遊行)喇!」吓,咁唔通搵臨記去行?
其實呢個反對大遊行傳咗好耐,有人「好熱心」去搞,但又講明自己唔會現身,經紀同行間都係竊笑居多,指「咁縮骨,邊個會同你癲!」聞說證券商協會主席楊玳詩都唔撐。
經紀遊行抗議都唔係冇試過,2012年遊行抗議飯鐘縮短,但始終改變唔到。今次仲話星期日去遊行,行畀邊個睇呢?

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載