› 選擇地區
三藩市
紐約
洛杉磯
其他美國地區
香港 台灣 北美
 
2016年11月09日

職場慧眼:老闆專玩分化 - 張慧敏

要繼續做這份工,就要裝聾扮啞、坦然接受這個老闆的作風。 資料圖片

「Son姐,我係你忠實讀者,要多謝你教識咗我好多職場智慧。但係我老細真係好老土,得閒就捉同事入房,成日問來問去都係呢個同事點嗰個又做成點,例牌又話聽到啲乜嘢風聲又話乜嘢投訴,搞到個個都好煩。我呢啲小人物小職員,都冇乜要求,只係想做好自己份內事,根本唔想搞事。最慘有啲同事聽老闆講,以為係我學是非篤佢哋背脊,搞到大家面左左。雖然做到好冇癮,但份工其他條件都唔錯,而且就嚟年尾出花紅,我都唔想走住。我只係想可以開開心心返工,Son姐有乜辦法可以教吓我?」


好明顯你老闆嚴重缺乏自信,兼且好得閒,這間公司對他來說應該只是消遣打發時間。終日搞事搞非,還可以負擔不錯的條件留得住做得不開心的員工們,你老闆「底子」應該都有相當厚。
老闆為人既然個個知,照道理應該很容易對付,他喜歡找不同的同事挑撥離間問來問去,無非想從中知道一些他認為應該知道,但未必能夠知道的事。只要大家齊心,無論他問甚麼都給他一個千篇一律的答案,他能奈你們全部人如何?講到底他是怕你們齊心,想爭取甚麼只要集體談判可以玩起佢,玩分化無非希望你們鬼打鬼,有甚麼風吹草動就會有員工找他打其他人的小報告,就正合他心意。
不過確實有些老闆,最鍾意聽是非,有求自然會有供,為了有第一手資料可以取悅老闆,無中生有、生安白造,你不做,但肯定會有人做。這份工你要繼續做,不必同流合污,但就要裝聾扮啞、低頭做好自己份內事、坦然接受這個老闆的作風。
至於值得不值得,只要你認為人工包得埋,就OK啦!我老了,學懂尊重他人的選擇了!

張慧敏
http://www.facebook.com/HKcareerdoctor

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載