› 選擇地區
三藩市
紐約
洛杉磯
其他美國地區
香港 台灣 北美
 
2016年11月15日

Can Bank:等睇特朗普走數 - 散子

欠缺從政經驗的特朗普,日後出現過失將在所難免。 資料圖片

自從特朗普成為候任總統以來,全球對選舉結果都好似充滿不同意見。與其說意見,倒不如說是恐懼。身在英國的筆者,每日看着電視新聞,頭條除了Donald Trump還是Donald Trump,令原打算寫寫英國的筆者,最後決定湊湊熱鬧,談談特朗普。
特朗普剛接受CBS電視訪問,首先佢唔係單拖上陣,而係帶埋一家大細,三個仔女入過渡班子,前妻舉手要做駐捷克大使,雖然盤生意交畀仔女打理,但係又未完全逃出利益衝突的「範圍圈」。
至於特朗普講明會找數唔收人工,其實唔係完全唔收,只係象徵式收一美元;至於墨西哥隔離牆?響亮的會建!亦都會將非法移民逐出境,首先向有案底嘅人開刀。至於佢對某些選前主張,是否已轉軚?對於同性戀政策,同埋曾對希拉莉說:「我上任你就會坐牢!」似乎都已經唔存在。

全球對特朗普上任嘅恐懼源自於佢過往嘅言論,擔心佢在萬人之上後,真係會為所欲為。而觀其上任後言論,包括勝利宣言、電視訪問、言論已有所收斂,一上任就會失控機會似乎不大。不過,過往一直生活在小圈子的特朗普,雖明白到與人合作的重要性,但在他眼中可信任的人極少,單看其個人持有公司的安排,以及過渡班子的人選,似乎已成為反對者日後的把柄,加上欠缺從政經驗,日後出現過失將在所難免,小的或可胡混過去;大的過錯,參考過往經驗,則需要轉移視線;至於甚麼才能轉移美國人視線?其一:恐怖份子;其二:中國。

散子
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載