› 選擇地區
三藩市
紐約
洛杉磯
其他美國地區
香港 台灣 北美
 
2016年12月13日

Can Bank:曾俊華辭職 
下份財案驚天地? - 散子

外界對曾俊華做財政司司長評價大部份都係「成日估錯數」或「守財奴」。 資料圖片

財政司司長曾俊華辭職了,宣佈參選特首似乎只是時間問題,與此同時,1,200名選委亦已經在昨日誕生,泛民預計將會史無新例地拎到325席,雖然佢哋未決定會唔會派人出選或者選邊個,但個別表明唔會選林鄭或葉劉。
以目前情況睇,泛民暫唔表明支持曾俊華,相信同佢哋票倉法律界別有關,法律界始終有胡官坐陣,但唔可以否認,曾俊華跑出機會唔算細。散子以前出街做嘢都有機會接觸到薯片叔叔,老實講,當年對佢嘅印象唔算好,親民絕對稱不上,只覺得佢過份高傲,而且說話官腔味極濃,都唔知佢講乜!
單講個人觀感會變得太過主觀,倒不如回望一下過往幾年嘅政績,外界對佢過往近十年做財政司司長評價大部份都係「成日估錯數」又或者係「守財奴」,但相對於「估錯數」,相信外界對「守財奴」更不滿。

公平啲講,有時揸住阿公盤數,做預測嘅時候,保守啲係可以理解,但係咪守財奴,就真係要兩面睇,有錢唔使嘅,社會部份階層會覺得政府唔出手紓困,有錢使到盡嘅又會有人話亂花納稅人嘅錢。然而,不能否定嘅係,唔係「守財奴」嘅話,今日庫房都未必有咁多錢。
庫房有錢,在政府民望奇低之下,不難想像,增加公共開支取得民意會是策略之一,財爺要頂住佢唔好亂使錢,相信唔係一件易事,守住啲錢「hea」得到,其實都幾天才。昨日佢辭職,下一份財政預算將唔會係佢寫,所以不妨看看下一份預算有幾驚天動地,才可以斷定這些年財爺究竟守得對不對。

散子
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載