蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月02日
馬上成為壹會員

專家憂息魔打擊
2017樓市難樂觀

【本報訊】2016年樓市在全城一片睇淡下,竟急速反彈,更迫使政府匆匆出辣招打壓。本報邀請中原集團主席兼總裁施永青、經濟學家關焯照及祥益地產總裁汪敦敬為今年樓市把脈,他們皆認為不明朗因素充斥,施永青及關焯照認為在「息魔」降臨下,樓市難看好,最多將跌逾一成;汪敦敬則繼續看好後市,認為樓價年中前勢破頂向上。

記者:程俊華 陳家雄

相關新聞:關焯照:跌幅最少雙位數字

施永青:港遲早跟隨美加息

中原集團主席施永青去年的樓市預測贏了上半場,中場轉軚,預計去年首季樓價較2015年高位回落15%,結果估中!原本睇有排跌,卻於英國脫歐後發表樓價「M」形走勢預測,料回升並觸及2015年高位。他承認曾睇錯、轉了軚,但沒改變樓市一定落的睇法,2017年上半年跌5%,若美國加息逾半厘將觸發本港樓市跌得更快。
施永青坦言去年中轉軚,「由睇跌到睇升,仲唔轉軚?不過𠵱家睇返跌,跌得相對慢。」當日轉軚因英國脫歐,「出面兵荒馬亂,不如喺香港買啲物業,投資者重置資產,再對地產偏好增加,所以香港樓市回升」。
他承認「有啲地方睇錯咗」,但強調「向下大趨勢已無法扭轉,即使今日,不利因素仍是多於有利因素,只不過貨幣因素令香港樓價上升」。尤其人民幣貶值,「揸住人民幣資產的人恐慌,所以好多錢落來。恐懼時,作的決定未必正確,非本地買家畀稅增加至30%,照理由,任何投資者都無咁儍,即係頭十年無租收,如果樓價無升,印花稅都蝕埋,唔係蝕少少是蝕30%」。
資金找避風塘,必有部份落入本港地產市場。不過隨住政府加辣,入市成本驟增,「本來買樓收租可能是小市民養老的一條出路,但𠵱家變成奢侈行為」。政府目前是「畀有仔女而未買樓的投資者去投資」,他強調:「呢個時刻,咁嘅價錢,真是有條件買樓嘅人唔多。如果資金無不斷流入香港,樓價未必企到咁高」。

相關新聞:汪敦敬:政府或再出招打壓

港經濟差 市民減慢買樓

再者,香港經濟前景堪虞,旅遊業、零售、物流以至金融業欠佳,雖未即拖累樓市,但經濟轉差,人工加得少,市民買樓速度減慢。本港樓價跌幾多幾快,視乎美國加息,就算首兩次加息,香港不跟隨,最終香港都要跟。
「我自己睇,樓價一定落。客觀睇,不利因素主導,只不過資金無出路,我2年前已經唔睇好,所以走咁啲貨。2017年樓價微微向下,緩慢下跌,上半年跌5%。直到美國加息影響明顯為止,例如加息超過半厘後,市民有感覺,樓價會跌得快啲」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載