蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年01月12日

自遊行興起 縱橫遊變陣

19,179

【本報訊】對出外旅遊的港人而言,近年「自遊行」大行其道,航空公司接連推平價機票,令傳統旅行社帶來競爭。不過,縱橫遊(8069)行政總裁袁振寧接受本報訪問時卻認為,「個餅做大咗」,各種旅遊方式自有捧場客,「某程度上benefit(惠及)到業界,(市民)上次自遊行,下次可能會考慮下跟團」。

為配合自遊行興起,傳統旅行社亦需改變旅行團一貫作風,袁振寧理解,跟團除了行程納悶,時間亦不夠彈性,因此需要加入自遊行迎合需要,「旅行團不嬲俾人感覺一式一樣,好趕急,所以要將彈性、自遊行元素放落去旅行團,例如唔洗咁早起身、唔食太多Buffet,食精啲。」

此外,縱橫遊亦推出祭典或特色主題等旅行團,門市亦加入主題店,「香港人去好多次日本,會想去啲深度遊,就算畀貴啲,只要食好嘅、住好啲,價錢係其次」。

杜如風豪華團未爆滿

提到縱橫遊最近推出「史上最貴豪華團」,由旅遊節目主持杜如風帶隊的日本5天團,袁振寧表示舉辦「名人團」是自己想法,期望以此作招徠。該團索價88,888元,袁指該團上限20人,推出首星期已有10多人報名,以年長夫婦居多,但目前仍未爆滿。他補充,該團乘坐商務機位及入住豪華酒店,加上酒店須9個月前落訂,「有人覺得太貴,但係有好多見唔到嘅資源係度,例如茶會我哋都係5星級酒店搞」。
縱橫遊今日上市,其招股書披露料截至今年3月底將由盈轉虧,去年同期賺2,310萬元;利潤減少主要受去年4月熊本地震、日圓升值加上行業競爭影響,旅行團需減價提高競爭力。袁振寧稱,對今年前景樂觀,「舊年經濟無咁好,儲咗啲購買力,今年外在環境好轉」。公司有制度對沖日圓滙率,「買入4至8星期嘅貨(日圓),唔係投機嗰種形式」。他指團費則每半年或一年作調整,視乎航空公司的價格變動。

記者:范穎琛 江靖然

關心你飯碗,貼近你生活,即Like「蘋果ATM」FB專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載