蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月07日
馬上成為壹會員

七級偽術:
有種品味叫問心無愧 - 彭瑪莉

林鄭學Steve Jobs在台上行來行去講嘢,可知此幕是尷尬到唔恨。 資料圖片

近日熱門話題,非特首選戰莫屬,各位參選人密集出招,你來我往,像Mary這類無票平民,做其花生友,睇戲咁睇亦趣味盎然。
這個還要多得薯片率先把競選宣傳面向群眾,甚至面向網民,這個策略至今非常成功。得知道奧巴馬當年這樣做並不為奇,人家一人一票,網絡攻勢絕對是有效籠絡各方群眾的渠道。但在香港,人人皆知選委人數僅得千二,這種情況下,薯片仍以清晰定位兵行險着,認真抵讚,最近仲做埋眾籌把參與感帶予本來無票的市民,難怪Mary身邊薯粉數量與日俱增。
當然,薯片的初步勝利也要歸功對手的進退失據。執筆之時,嶺大公佈最新的民調結果,調查在本月1至4 號做,即係踩正林鄭造勢大會,結果竟然係林鄭支持淨值首現負數,又若假設是二人之爭,薯片的支持度已升逾五成,遠勝對手。

由此可見林鄭一方那種把建制派、大孖沙一類既得利益者傾囊而出的造勢會,只會越做越衰,只能進一步強化她那離地和與民為敵的形象。
而且,唉,如你也有看那個造勢會,那種徹頭徹尾的土氣,那種畫虎不成反類犬,確是挑戰中產和後生仔對品味的底線。
我知你想話畀人知你同年輕人打成一遍,但真的不是叫幾個細路做佈景板,無情情同人high five就扮到。我知你要親民,唔敢着旗袍套裝,但你套競選制服可唔可以着得型仔啲?下身竟然穿西褲皮鞋?你知道後生仔崇拜Steve Jobs,你都唔使學佢在台上行來行去講嘢㗎,可知此幕由你來東施效顰確係尷尬到唔恨。
想知乜嘢叫品味?可以參考薯片的campaign,Mary的朋友不少就係因為鍾意佢啲相夠型。至少,也可以參考胡官,恰如其份,不慍不火,呢啲品味叫問心無愧、叫勇者無懼。

彭瑪莉
mailto:marypang2015@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載