› 選擇地區
三藩市
紐約
洛杉磯
其他美國地區
香港 台灣 北美
 
2017年03月02日

後悔當年冇買樓?
河畔租客:冇得話錯過嘅

目前與家人同住的沙田街坊岑生表示:「對於目前樓價,不會考慮買樓。點買啫,儲到首期先講。如果以咁嘅價錢(河畔呎價1.7萬元),去邊度買樓都得啦,例如日本買樓。如果投資,一定唔會喺香港買樓。香港樓隨時分分鐘可能唔知幾時跌得好傷,樓市有循環,上一次樓市下滑是2008年,距離而家差唔多十年,所以差唔多會冧,如果而家入市是好不智。」

對於一眾經紀唱好樓市,預計樓價升兩至三成,岑生回應:「佢講乜都得,佢地識睇市場造勢,到時佢梗係走得甩,你班盲炳走去入貨,咪你食晒囉,好簡單常識。」

相關新聞:河畔樓王呎價叫近1.8萬

河畔花園租客莊太表示:「樓市專家話樓價會升兩至三成,專家講未必嘅,市場一路變,好難講!」租樓3年多,被問會否覺得錯過入市時機,她回應:「如果當時有計劃買而無買到,而家先會覺得錯過,你未準備好,未必話錯過。自己準備好一筆買樓嘅錢,就算再高都會出手,睇個人情況。可能有一日,有足夠能力,一定會考慮買樓。」

她目前單位月租九千多元,「3年前以九千幾蚊租,而家行情都是咁嘅價值,無乜點升。你無諗買樓,突然跌得好低,又話升好多,對我哋無太大影響,因為一路未準備好。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載