› 選擇地區
三藩市
紐約
洛杉磯
其他美國地區
香港 台灣 北美
 
2017年03月31日

樂香園:歐智華泊大碼頭? - 密西比

聞說歐智華已「泊到大碼頭」,會做回老本行投資買賣。 資料圖片

上篇〈樂香園〉提到滙控(005)行政總裁歐智華,內外夾擊下似乎非走不可,與此同時,歐智華近期常於內地論譠現身,多次發表極看好內地經濟表現言論,莫非想借此「見工」?有基金界朋友表示,聞說歐智華已「泊到大碼頭」,會做回老本行投資買賣,完全不用替他擔心。
友人說:「叫佢返去中國銀行做嘢?唔好玩啦,就算佢真係唔介意長駐內地,相信亦唔會有中資大銀行敢請佢啦!錢只係其次問題,實情係間間中資行都仲係諗住只做內地市場,請歐智華做乜?證明中國人可以用到洋人?除非有行真係堅想大搞歐洲市場,否則喺呢個階段,中資行係冇可能請洋人做高層。」
不回內地幫手建設新中國,58歲歐智華提早退休乎?友人指當然不是,聽聞他已有新打算。他說:「獅子行內部流傳,經已有大孖沙mark咗佢,當佢一唔做CEO,就會過去幫手睇大孖沙檔私人投資,專門搵好嘢買。」
可以請到滙控前行政總裁幫手,潛在有可能大孖沙應該不出5個。友人笑說:「你不妨估吓。」

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載