› 選擇地區
三藩市
紐約
洛杉磯
其他美國地區
香港 台灣 北美
 
2017年04月05日

樂香園:停牌變尋租? - 密西比

自駿傑被證監會叫停開始,基金界已密切留意事件發展。 資料圖片

與基金界友人談論駿傑(8188)被叫停事件,友人指其實自當天公司被證監會叫停開始,基金界已密切留意事件發展,想知道證監會拿甚麼條例出來,解釋一家原已被證監批准上市的公司,為甚麼上市半日後突被勒令停牌,殊不知到最後,公司只是用「處理及解決證監會所關注的問題」來解決,失望之餘又有些擔心。
友人說:「失望係因為近年好多股份,確實係明顯有問題嘅,無啦啦無原因無背景無解釋咁狂升數倍,市值更加可以超過唔少藍籌股……以為今次證監出手,係代表佢哋已搵到問題所在,點知到最後都只係深表關注咁大把,真係唔該晒喎!搞嚟搞去,原來都係得個吉。」
擔心呢?友人續稱:「香港股市比內地優勝嘅地方,係所有嘢都寫得清清楚楚,有規有矩,停得你牌一定有原因有證據,掉轉頭畀你復牌,亦必然係成功合規解決咗問題,唔係坐低四四六六拆掂就算,若果停牌同復牌都可以咁兒戲,難免令人覺得有灰色地帶走盞位,有灰色地帶走盞位,就有尋租空間,咁都唔令人擔心?」

密西比

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載