› 選擇地區
三藩市
紐約
洛杉磯
其他美國地區
香港 台灣 北美
 
2017年04月05日

80後業主:上車難靠自己

【本報訊】今時今日,當一房單位都過千萬元,年輕人要買樓,不靠屋企人幫手,都好像很難成事。東涌東環II業主Thomas就是其中之一,他直言,「首期靠自己真係搞唔掂」,由父母支付首期六成共約400萬元,餘款自己就每月用一半人工供樓。

相關新聞:東環II驗樓 窗邊恐滲水

感謝父母資助首期

2015年9月,從事Marketing、單身80後的Thomas,在父母資助首期下,以超過700萬元買入新地(016)發展的東涌東環II,一個600餘呎的中層三房單位,呎價1.1萬元左右。他直言,「首期冇屋企人真係搞唔掂,真係好多謝爸爸媽媽幫手」,慨嘆樓價太貴,「上車要靠自己,真係好難」。
Thomas憶述,自己由細到大同父母原本在荃灣住一個400至500方呎單位,由於想一齊住大少少,但要買到市區三房要1,000萬元以上,就算由荃灣再搬遠少少都無所謂,決定試抽東環II,第一次入票就抽中,都覺得幾好彩,買到心儀的海景三房單位,現時每月都要用份糧的一半來供樓,估計大約每月最少都要供近一萬元。
終於成功當上業主,Thomas直言不是太興奮,要買樓,就要犧牲好多,之前看中了一部車,都要打消購買的念頭,他引用了華人置業(127)非執行主席、青年事務委員會主席劉鳴煒早前的說法,認為要儲到首期,的確要「去少啲旅行,買少啲嘢」。

自住不怕樓市見頂

Thomas亦坦言,在香港打工十年,人工多了差不多一倍,但生活質素都不是好了好多,樓價同物價都狂升,現時市場上400萬元以下的樓又越來越少,要儲首期上到車就更耐,儲到了,可能個價又升了。當問到擔不擔心摸頂,他就即時有番自信地話,「買嗰時都俾人話高位啦」,但當時覺得自住就不理得太多,而且相信樓價好硬淨,「升完又係再升」,加上自己日常開支都不算大,所以都叫負擔到,無悔入市。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載