› 選擇地區
三藩市
紐約
洛杉磯
其他美國地區
香港 台灣 北美
 
2017年04月06日

智取大市:
金隅勝在有清明 - 晉佳

噚日A股復市,概念股供應大增,金隅於是先急升後回。 資料圖片

雄安新區被官媒唱好為「千年大計,國家大事」,雖然長線規劃未殺到埋身,但短線更重要嘅係,大陸資金炒唔炒。
金隅(2009)貴為龍頭股,喺佢2015年年報Ctrl F去search吓容城、安新同雄縣,係0個結果;而金隅位處河北市項目,同雄安新區距離仲遠過北京同天津市,事前連龍頭股都唔發展呢一區。金隅最大受惠嘅因素係持有旗下河北水泥龍頭冀東水泥約50%股權,既然冀東水泥獨注受惠雄安新區,又喺A股上市,大媽又何需要買金隅呢?

雄安新區消息上周六見光,結果金隅賺咗星期二清明節假期前A股同港股通休市一日,資金逼住鬥快反映消息,喺香港狂掃金隅。噚日A股復市,概念股供應大增,金隅於是先急升後回,皆因佢股價表現,或許已反映A股冀東水泥連續幾日升停板。長遠而言,金隅呢個政策概念,仲要畀控股公司折讓。
或許拜得神多、自有神庇佑,金隅股價得以連升兩日,但呢一刻市賬率依然1倍唔夠,就反映市場事前根本睇唔起呢隻股,或許本來經營能力遜於其他水泥股,所以估值一直低殘。上述幾個因素七除八扣之下,吸引力已經欠奉,之後會點?單日超過30億成交,相信今後已經「美圖化」,chok到阿媽都唔認得。

晉佳
http://fb.com/advanceguy1

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載