› 選擇地區
三藩市
紐約
洛杉磯
其他美國地區
香港 台灣 北美
 
2017年04月09日

摸魚手札:
續談年青人置業的老問題 - 渾水

我們這一代買樓,大多數無能力full pay,買完還是要供。 資料圖片

間中會拜讀欄友利世民的專欄,因為大家的基礎知識和理念都很相約,本科讀經濟出身,深信所謂自由經濟的理念,他是香港運轉自由經濟邏輯比較圓潤、比較全面的專欄作家。呢期佢很喜歡呃like,寫了幾篇關於樓市的大熱文章,我有一點體會。
講樓,不一定要講樓價高低,那是財演之流的分析,因為財演着重資產價格的升跌。當然,講樓也可以從公共政策層面去講,不過那就是think tank政策研究的層面,大家鬥拋理論同數據,理論有假設,數據也可有不同解讀,這類東西很惡頂。更重要係,買樓的心態。

利世民兄講的係一個重點係很簡單、貼地,就是不要讓磚頭變成宗教。宗教講的係精神依賴,一個形而上的理念,而不着重講現實科學邏輯。世民兄眼中的宗教是更貼近一個盲信買樓就是上流出路的精神鴉片。呢一種精神鴉片,毒害了我哋呢一代人。上一代對買樓的睇法,既是滿足了住屋需求,也是投資品。行過書店睇財經書,也常常見到呢一類的原教旨聖經,講的都係同一套語言,例如買樓就是財務自由的出路、買樓就可以生活無憂等。現代這一代講的只是卑微的住屋需求,我們買樓是走不到財務自由的路。
如果𠵱家我哋買完層樓,也不會再食到那個十幾年的樓市大升趨勢,樓唔會大升,咁就談不上財務自由了。金融服務界的張華峰離地上太空,指摘年輕人不努力。喂!大佬,你二、三十年前買的樓,𠵱家升了幾多先?客觀的宏觀環境不配合,這一代人做乜都出不到頭來。最近又有少年股神指摘八十後、九十後掛住旅行,去消費而不儲錢買樓。這個指摘對八十後可能係啱,但九十後最後生都只係27歲,大學畢業生的人均工資有數得計,就算唔食唔住都唔夠錢儲首期啦,呢個係非常科學和合乎邏輯的數學問題。社會太盲,因為鬧後生仔係無成本,所以議員會鬧、少年股神會鬧,那些「不醒人事」的人事顧問,都係盲鬧。

𠵱家我哋呢一代買樓,大多數都無能力full pay到,層樓買完還是要供。只要一供,就被份工困住十幾年,唔好話追理想,可能轉工都會怕。要達成財務自由之代價就是要犧牲十幾年的工作自由,是否值得就是價值問題了。
講年輕人置業,好多都係價值判斷,唯獨有一點是必然正確,就是有意幫年輕人的政策是不停被人鑽空子,本末倒置了。好像長實樓神咁,自己也不買長實樓,寧用首置買豪宅。中聯辦首置買樓,瀟洒講一句「So what?」一些幫年輕人上車的政策被濫用,呢個問題,長遠點都要解決。呢個方向,點都係政治正確的。

渾水
http://www.facebook.com/muddydirtywater

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載