› 選擇地區
三藩市
紐約
洛杉磯
其他美國地區
香港 台灣 北美
 
2017年05月09日

七級偽術:
開fb專頁玻璃心免問 - 彭瑪莉

Cracker Barrel炒人,由FB一個留言引起軒然大波。  互聯網圖片

「欄友」高C9上星期話企業開Facebook要講勇氣,說的一點不假,to be or not to be,諗清楚先去馬,冇能力、冇資源、冇眼界、冇胸襟,免問,一開咗就係不歸路,唔通開開吓又關閉帳號咁瘀咩。
是的,網絡是很危險的,網民是很殘酷的,而且快速,而且去得好盡,自問面皮薄、玻璃心,就無謂自找煩惱。要有心理準備,有時未必自己錯晒,甚至有時道理其實在自己一邊,也會有各式各樣的無妄之災從天而降,總之,有理說不清不是罕見的事。
美國一個叫Cracker Barrel的飲食集團,就畀一個Facebook post玩死。話說CB印第安納州某分店,有位服務了11年的員工被解僱,不知是否事發日剛巧在她丈夫Bradley的生日,為夫那位特別唔好老脾,在CB的臉書兜口兜面問:做乜炒咗我老婆?
咁都未使死,最弊呢個post畀有200萬粉絲的名人Amiri King跟進了,從此#justiceforbradswife一發不可收拾,成千上萬的網民留言聲援,直至今天,無論CB在臉書推甚麼宣傳,留言一定不停糾纏在事件上,譬如佢推炒蛋白餐,網民就會叫佢記住將蛋黃留起,送畀Brad老婆,因為佢已經冇錢食早餐......。
大抵冇乜人知事件到底邊個啱邊個唔啱,但CB最錯係個幾月來的鴕鳥策略,以為唔表態、唔回應,事件會沉底die down,明顯計錯晒數。專家呢個時候就獻計:最正路就出個大路聲明,遲就遲咗,起碼等人知道你未盲未聾囉;玩嘢啲,叫全國同事一人揸塊寫住「我係John老婆」、「我係Nancy個仔」之類嘅紙牌,順便搵個周末請所有自稱Brad老婆的客人食甜品;再玩嘢啲,請番真.Brad 老婆返來做代言人......
無論點,都唔係借咗聾耳陳隻耳。

彭瑪莉
mailto:marypang2015@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載