› 選擇地區
三藩市
紐約
洛杉磯
其他美國地區
香港 台灣 北美
 
2017年05月09日

智取大市:
按樓買股點部署 - 晉佳

如想將自住樓宇加按套現買股,要跑贏鎖息上限,其實唔難。 資料圖片

小弟有位老友,佢屋企人前幾年買落層自住樓,而家加按套現諗住投資。呢筆錢難得且不勞而穫,唔適宜大上大落,但目標睇嚟簡單又清晰,股息跑贏加按供樓利息就ok,最緊要no-brainer,唔駛經常睇實。
近排新造按揭息率大概H+1.28厘,即按息大約1.67厘,不過如果經大行加按、轉按,貸款額較低,就當200萬左右,息率就可能比1.67厘高少少,就假設係1.8厘吧。另外,要留意長遠面對美國加息,要睇實鎖息上限風險。
要搵長期穩定派息,從純食息角度、唔理股價上落的話,跑贏1.8厘甚至鎖息上限,其實唔難,單買公用股,即係曾教授所講嘅「穩定收息股」,目標可能已輕易達到。不過,更進取嘅做法,大可一部份套現資金買派息下跌風險較低嘅穩定收息股,確保股息同加按畀出嚟嘅利息打和,其餘資金就買股息更進取嘅真‧高息股,例如滙控(005)之類,就可以賺更多。

兩電准許回報下降,自然對之後派息有影響,如果揀股息穩陣嘅股份,中電(002)會較好。其餘好選擇,包括做海外投資、靠食息差賺錢嘅長建(1038),公屋霸權之下仍要搾取收入增長嘅領展(823),同埋有前一哥打骰嘅新創建(659),股息率都有3厘以上。簡單講,用六成資金買中電、長建、領展加新創建,至少能夠鎖定同按息開支打和。至於港鐵(066)?息太低咯。
至於其餘四成錢,買真‧高息股,滙控之前兩期已經解釋過有幾好,6厘息亦夠吸引;香港人寧願玩手機都唔食飯,數碼通(315)派息慷慨,股價似築底;邊玩手機邊食飯,喺大快活(052)解決生理需要亦大有人在,增長比大家樂(341)更好。換言之,其餘四成錢可買滙控、數碼通加大快活。

晉佳
http://fb.com/advanceguy1

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載