› 選擇地區
三藩市
紐約
洛杉磯
其他美國地區
香港 台灣 北美
 
2017年05月11日

長建無意併電能
李澤鉅:向前看

【本報訊】長和系旗下港燈(2638)、長建(1038)及電能(006)昨日開股東會,有小股東追問長建、電能會否再合併,更指今次會投「Yes」。身兼電能、港燈主席、長建副主席的霍建寧指「上次開會好凶險」,尊重股東意見會再諗,惟長建主席李澤鉅即時「擰擰頭」,並在會後重申暫不考慮。
記者:方楚茵

長建、電能合併方案於2015年底遭股東否決,市場一直預期有再合併可能。李澤鉅其後就其在會上「擰頭」解畫,稱是「瞓捩頸」,但就明確表示「We move on(向前看)」,合併一事已經「唔提啦,過咗去,我哋腦筋已向前好耐,已經冇諗過啦!」
雖然多個股東建議再合併,更向霍建寧表明「現時Yes啦,此一時非彼一時啦!現時唔同諗法啦,會同意啦,OK?」但霍建寧笑言「要講嘅上次都已經講晒,個個都整個No字都好冇癮啦」。

小股東嘆電能像「提款機」

李澤鉅亦表示,明白股東關心合併方案,但他指「冇一單deal(交易)我哋一定要攞到,如果開始咁諗就會跌入成敗嘅陷阱」,又稱當初建議合併全因面對大交易時「長建唔夠大」但現已有「大哥」(即長實、1113)幫手,毋須再靠長建、電能合併:「好彩我哋Group(集團)入面有好多個大哥可以夾埋出手,選擇好多,好靈活。」李澤鉅最後亦安撫股東,「今年我覺得係好年,未到年中已經做咗幾單交易」,更着大家「唔好成日講過去」。
然而,有小股東提及電能手持數百億現金,但參與收購澳洲能源公司Duet項目卻只佔股兩成,更有大行指電能角色就像「提款機」,長實及長建才是收購主力。霍建寧就回應指用「提款機」等字眼感情化,事實上是大家「一齊做,一齊賺錢幾好」。
霍建寧指,澳洲收購項目電能佔細股,主要因交易由長建覓得,加上若要尋得收購、再獲賣家同意,又要再過電能股東會,賣方「唔會睬我哋」,故由實力較強、資產負債表大的長實出手幫忙,即使「電能不過,佢哋都有能力吞咗佢」。公司又指,昨已就交易開出支票,相信已「on the way」,料周五完成,目前僅剩一些文書上的手續。
至於問到新利潤管制下准許回報下調至8%,會否影響港燈盈利及派息,霍建寧表示「不能夠講未來嘅事」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載