蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年05月16日
馬上成為壹會員

風投基金:港成創業試煉場

概念資本創辦人張瑞祺。  李潤芳攝

【科技透視】
近年全球掀起一陣創業風潮,初創公司(Startup)如雨後春筍湧現,惟香港向來以金融及地產掛帥,人工高、租金貴的香港更堪稱「創業地獄」。但風險投資基金(Venture Capital,簡稱VC)概念資本(MindWorks)創辦人張瑞祺卻認為,香港是一個「試煉場」,選擇投資在香港年輕人身上。

相關新聞:Startup每輪融資各有不同

公司回報較地產更高

張瑞祺在美國出生,中小學於香港度過,其後到美國加州升讀大學,大約10年前回流香港,先後於大摩、瑞信及國信等投行工作,接觸不少Startup。2013年他決定離開大行,自組VC投資本港Startup。他憶述,「開始時好多人唔支持,叫我哋做地產、股票就算,開個銀行戶口都難,銀行都唔知咩係VC。」
四年後,概念資本旗下的資金已經由當初約1,100萬美元(約8,580萬港元),增加至8,000萬美元(約6.24億港元),投資項目達16個,當中有9間由香港人創立。張瑞祺自豪地表示,「我哋(回報)好過地產」,最好的已經翻了10幾倍,平均都有2至3倍回報,表現不錯。
張瑞祺認為香港並非沒有人才及創業家,只不過大多數去了內地或美國,「香港人才拍得住世界,只是成功例子少,加上市場細,難留住人才。」
香港Startup只算是「初哥」,未了解VC玩法。張瑞祺表示,每年收到來自全球數以百份的計劃書,平均240份才會選中一間公司。投資條件有3個,分別是創業家及團隊表現、發展領域,以及目標市場要夠大。他強調,目標市場不可以是單一地區只做香港,要做就要面向全中國、東南亞或歐美市場。

人工租金高反有好處

香港雖然人工、租金等各項成本都高,但張瑞祺反而認為,「這正正令香港成為一個好好嘅試驗地,一間公司係咁嘅環境都可以生存,代表去到其他地方一樣得」,有時候更會要求外國的Startup搬到香港。
近年新加坡大力支持Startup發展,香港缺乏政府政策支持,但張認為,「太多政府支持同太多人做,都唔係好事,反而香港少支持,成功例子更吸引,因為真係要靠自己。」
最後,要得到投資者青睞,張瑞祺「教路」,創業家得到第一筆資金後,用最少的錢去做出試驗產品,去證明市場有需求及商業模式可行。至於要找上類似他這樣的VC投資者,「你喺Tech世界煲夠耐,自然會識一個朋友係我哋投資過嘅創業家,經介紹一定搵到我哋。」

記者:梁偉聰

【Startup攻略】Startup點融資?天使投資、ABC輪大不同
http://bit.ly/2r81oGA

相關新聞:20億創科創投基金仍申請無期

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載