› 選擇地區
三藩市
紐約
洛杉磯
其他美國地區
香港 台灣 北美
 
2017年05月23日

七級偽術:都係唔關佢事…… - 彭瑪莉

唔識用八達通搭港鐵一事講多錯多,難怪被市民稱佢係2.0。   資料圖片

前面那位咄咄逼人,接連出招,一邊又告人又出公開信咬住某議員不放,一邊又出手修改另一位議員在相關委員會的文件,先別談誰對誰錯那種技術性問題,淨係你貴為特首,以上壓下就難看至極。
還有個多月就上任那位2.0 一樣強不到哪裏去。本來,在泛民各路英雄網開一面下,算是風平浪靜,居然就真的有段時間冇乜出錯,還以為她真的懂得韜光養晦了,點知一出來做訪問,就叫人O晒嘴。
好人好姐,明明人都未上任就去做個「舊日的足跡」嘅節目,未曾開始已懷舊,已經叫人摸不著頭腦,最最嚇人竟是死唔知衰,攞番八達通單嘢出來講,仲死口堅持唔係唔識用八達通,問題唔喺自己度,喺港鐵度喎。
嘩,真係大開眼界喇呢次,原來唔知嘟完卡要推桿先入到閘都叫識搭港鐵?原來她的全部及所有地鐵影像回憶就係得同一日搭南港島線嗰次,咁都叫好「平民化」?仲有,佢仲以為嘟完會自動「彈開」嘅係「自動化做得很好」嘅南港島線先有,唔該全港幾百萬日日搭港鐵的蟻民,一齊話佢知「活板閘機」在各大港鐵線用了幾多年,好不好?
人真的唔會乜都識,也不會永遠唔犯錯,其實你只要肯認自己係凡人,認句錯,沙個冧冇人會怪你,但你偏偏死不悔改,跌落地嗱番渣沙,越狡辯越失禮,講多錯多,仲去怪人哋港鐵有問題,你叫廣大巿民點會唔當正你係2.0。
一個人自負到一個點,就會把指鹿為馬當常態。如果有幸她讀到本文,我知道她一定不會介意,因為佢會好誠懇咁話有問題的是Mary,或蘋果。

彭瑪莉
mailto:marypang2015@gmail.com

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載