› 選擇地區
三藩市
紐約
洛杉磯
其他美國地區
香港 台灣 北美
 
2017年06月14日

職場慧眼:如何應付冇品舊老闆? - 張慧敏

打工仔被冇品舊老闆唱衰,最佳做法係睬佢都傻。 資料圖片

「Son姐,我離開咗舊公司成年,當日辭職最主要原因係頂五時花六時變老闆唔順,仲要冇口齒,開會個個坐喺度聽住佢講嘅,都可以死口唔認有講過。估唔到我走咗佢都唔放過我,總之所有錯嘅嘢做得唔好嘅嘢都係因為我當日做得唔好,留低個爛攤子畀佢。其他同事走又入埋我數,話我管理不善所以搞到雞飛狗走。真係頂住條氣,我想約佢出嚟問清楚,點解做老闆做到佢咁冇品,想知你點睇,我係你忠實讀者,希望你可以盡快回覆!」

第一時間覆你,不是因為你的忠實讀者身份,而是因為怕你沉不住氣做蠢事!你舊老闆點只冇品咁簡單?你份人都算厚道。很明顯他是個冇德冇能冇胸襟的老闆,注定成不了大事。所以你走得快好世界,走得好。
像你舊老闆般的老闆其實並不罕見,一朝得志語無倫次的有,剎那光輝當永恒懷緬過去常陶醉的又有,發了達上了岸有錢就是任性的當然亦有,總之我是老闆鍾意點都得,員工個個受氣人工包埋。連他自己都不知道自己想點,很多時候都是隨口噏,死口不認不一定是因為生性無賴唔衰得,真有可能是他根本記不起自己開會或者任何時候,和誰一起曾經講過些甚麼。
既然知道舊老闆是甚麼人,為甚麼還會在乎他在背後講你的壞話?你一走,公司就潰不成軍軍心大亂,他越是把責任往你身上推,就越足以證明你的曾經存在對公司是何等的有價值。所以你舊老闆講你的壞話,其實是恭維,我認為你應該很高興才是,更加應該包埋很心涼,有甚麼好耿耿於懷?
還要和他見面幹甚麼?別儍,一於睬佢都傻,俾心機做好你的工作,活得精彩快活就乜仇都報晒啦!

張慧敏
http://www.facebook.com/HKcareerdoctor

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載