› 選擇地區
三藩市
紐約
洛杉磯
其他美國地區
香港 台灣 北美
 
2017年06月14日

財女手筆:三招避免撞上裝修黑店 - Melody

屋企裝修,最好搵相熟或者朋友介紹。 資料圖片

身邊不少朋友搵室內設計,有樓價太貴、屋企有房,結婚後準備繼續同屋企住;亦有買咗樓,準備大裝一下,整番間安樂窩。不過,幾十萬裝修費並非小事,大家要認真格多幾間,有朋友畀錢全屋大裝,工程費包括換全屋水喉,最後裝修完幾個月,廁所牆漏水,先發現原來間裝修公司冇幫佢換新水喉,完全錢照收,工程唔做!
所以裝修要搵相熟或者朋友介紹,免得間裝修公司偷工減料,或者之後玩消失。坊間有唔少裝修黑店,我幫大家概括一下「裝修黑店3問」,大家就認真要留意:
1、插蘇幾錢一個:一屋裝修,以為插蘇好少啫?電視機後面可能已經有三、四個,加上香港人貪便,雙人床每邊加一個,枱下加一個,書房加幾個,全屋插蘇隨時有40個以上,所以必問插蘇幾錢一個,市價大約500至600蚊一個連普通掣面。

2、工程合約要寫細節:正常工程公司,會寫明不包括的項目,例如不包括坐廁、洗手盤等等,客人需要另外購買,不過工程公司可以包安裝,客人自己買磚、坐廁等要回水幾多等,一一列明的公司就最老實。

3、問清楚係咪真係全包:聽過有朋友要工程公司報價,大裝修加換總電掣箱、全屋水喉,不過,該公司開價一個換總電掣箱6,000蚊,無問題,不過原來只包括總電掣……個鐵皮外箱,入面的fuse?每條同你計錢!至於全屋換新水喉,問真啲,原來唔包「個別水喉」,例如洗衣機喉就要加多幾千蚊……
裝修工程連設計,確實專業,不過價格唔透明,大家想知多啲,就要問多啲啦!

Melody
http://www.facebook.com/whichroad
本欄逢周三刊出

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載