› 選擇地區
三藩市
紐約
洛杉磯
其他美國地區
香港 台灣 北美
 
2017年06月28日

樂香園:圖表走在趨勢之前? - 密西比

不少股民選擇用圖表預測股市行情。 資料圖片

跟友人研究使用圖表預測股市行情優劣,友人說了個關於圖表的真人真事。他說:「有個富豪,想搵人幫佢睇住個私人基金,咁咪不停咁見所謂嘅勁人啦,有個自誇好叻睇圖嘅人自薦見工,講到自己未輸過咁滯,見個面啫,又唔一定要請,個富豪咪排個時間,見一見呢個自稱圖表達人。」
友人續稱:「個圖表達人一坐低,就即刻拋晒啲咩平均線呀,保力加通道呀,RSI乜乜乜出嚟,每隻股都話佢一早就睇到會升定跌,一副高級專家口吻咁,希望可以吸引到富豪注意,唔知個富豪唔鍾意佢太寸,抑或唔鍾意圖表派,攞咗一樣嘢出嚟考個圖表達人,搞到圖表達人知難而退。」
僅一樣東西就可令人知難而退?友人說:「冇錯,就只係一樣嘢,嚴格嚟講係一張紙,一張摺起左嘅紙,個富豪將一隻股份嘅股價走勢圖,摺埋咗下半部份走勢,要個圖表達人用上半部份嘅走勢,嚟推斷下半部份嘅走勢!個圖當然就冇隻股票個名同發生時間啦,你估圖表達人真係神仙咩?係神仙就唔使見工啦!」
走在趨勢之前,不是說一說就可以做到。

密西比

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載