› 選擇地區
三藩市
紐約
洛杉磯
其他美國地區
香港 台灣 北美
 
2017年06月28日

職場慧眼:
學做人緊要過學做事 - 張慧敏

大學生入大機構做實習,從來不是學做事,而是學做人。  資料圖片

「Son 媽你好!我係final year 大學生,𠵱家喺一間行業龍頭公司返緊一段日子internship,我知道身為公司入面嘅新丁要謙虛同少惹事,但坐我旁邊嘅同事好鍾意傾偈同講人是非,剛巧有一排公司工作極忙趕住交貨,我覺得呢位同事不停撩我傾閒偈太煩,而且浪費我時間,坐位原因避無可避,於是我就敷衍應對佢。
點知自此以後,呢位同事就成日對我單單打打,又用惡毒言語咒罵我,我當下只能厚住臉皮一笑置之唔駁嘴,返工死忍但放工後羞憤嘅心情一直纏繞不去,情況無改善之餘,仲影響埋自己情緒同健康。
呢位同事唔知真傻假痴都已經喺公司生存咗幾年,恐怕唔簡單,其他一班同事雖然暗地裏對佢有微言,但係表面都同佢扮friend唔敢硬碰。我想問,其實應該如何處理及調整心態免得內傷?又應如何避免呢種事喺下一份工重演?感激不盡!」
人情世故,還有人情冷暖,你們職場新鮮人的確很難明更加難掌握。你雖然知道要謙虛少惹事,問題是你對同事的態度出了事。你用敷衍的態度對待人,人家是食鹽多過你食米的老手,又知道你只不過是個過客,玩你串你何須擇日子,完全沒有需要留手留口。
其他同事明知你是個閒人,還要態度不佳,亦犯不着為你出頭。至於他們同事之間究竟鬼打鬼還是friend過打Band,第一你根本不識得分,第二根本唔關你事。
做intern最大的價值,從來不是學做事,而是學做人,可惜知道價值、懂得把握機會好好學習修練的沒有幾個人。如此小事你都覺羞憤難當,你的EQ離合格還有好大一段距離。人必自省然後人省之,不一定是過失過錯,只要從過程中自我反省學習提升,吸取教訓吸收經驗,日子一樣會見功。

張慧敏
http://www.facebook.com/HKcareerdoctor

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載