› 選擇地區
三藩市
紐約
洛杉磯
其他美國地區
香港 台灣 北美
 
2017年07月03日

精算師創立平台 為保險產品評分 
「投保如入賭場買大細」

【本報訊】要解構保險,總離不開精算。保險精神在於轉嫁風險,透過建立資金池,將一人的風險分予眾人承擔。至於保費應繳多少、有甚麼不保條款,統統由保險精算師透過歷史數據計算,確保保險公司不會爆煲。保險產品比較平台10Life精算師倫凱恩(Iris)坦言,保險公司就如大莊家,但投保人「買大細」贏的機會,其實往往少於一半。
記者:陳洛嘉

相關新聞:盼成保險界TripAdvisor

Iris於澳洲修讀精算及日語雙學位,畢業後工作離不開保險,曾於英國保誠、ING集團等大型保險公司工作,去年創業成立保險產品比較平台10Life。
同樣是計數,坊間常將精算師與會計師混淆,Iris解釋:「會計係計已發生咗嘅嘢,而精算就係估計將來會發生嘅事。」她以賭場作比喻:「買保險就好似入賭場,不過賭嘅唔係錢,係賭你條命、幾時病、幾時唔見嘢。」

須清楚有何風險需轉嫁

常言道逢賭必輸,若然保險公司是大莊家,買保險是否一定蝕?Iris不諱言,精算師計算客戶出事的機會率後,會於此再加上利潤率以釐定保費,「情況就好似玩大細,客嘅贏率少過50%,因為會有圍骰(莊家通吃)」。
雖然投保某程度上等如賭,但Iris認為,賭亦有賭的用處,「都係一種entertainment(娛樂)」,正如保險的確做到轉嫁風險,只不過投保前必須清楚自己有何風險需要轉嫁,「揀性價比高嘅,唔好乜都買」。譬如內地盛行戀愛險、月亮險等產品,她直言「雖然乜嘢都有得計,保險都係計機會率、或然率,但保險精神係承保風險,睇唔到呢類產品保緊乜嘢風險,賭博成份居多」。

相關新聞:精算師年薪百萬 上車可按九成

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載