› 選擇地區
三藩市
紐約
洛杉磯
其他美國地區
香港 台灣 北美
 
2017年08月10日

利字當頭:國家有任務畀你哋 - 利世民

香港唔擁抱祖國,遲早會被邊緣? 資料圖片

「阿娥,你覺得國家對你哋點呀?」請不要想像這是《表姐你好嘢》的電影情節。這個年頭的中共領導人,已經會出入四季酒店,會用iPhone,也響應世衛呼籲,戒了煙。
「黨同國家,一直都全力支持香港發展呀。「咁就啱啦。國家有任務畀你哋!」「真係?係咪要搞一帶一路呀?」
「阿娥,你要跟得貼,但又唔好跟車太貼。國家嘅五年計劃,可以中途變陣呀。早兩年講在地城鎮化,你睇今日仲有冇人講?互聯網加、金融科技甚至一帶一路,都只不過係一句口號。」
「國家要香港點做,請即管吩咐。」
「特區政府坐擁近萬億盈餘,其實係唔係應該都考慮吓用來投資國家重點栽培嘅企業?你睇香港人自己都好積極投資騰訊(700)。其實國家到處都是寶藏呀!好似我女婿個創投基金,今年已經投入了十個項目。阿娥,你要知道國家只會為人民利益好,你要同香港市民好好解釋吓。」
香港不再是一隻會生金蛋的鵝,又或者國企改革的提款機,而是一個等待被扑的豬仔錢罌。在民族大義之下,任何付出都是理所當然的。沒有人會記得,改革開放香港的功能和角色,又或者若然沒有香港,國企改革會有多困難。
以上情節,如有雷同,實屬不幸。
在資本主義自由市場,最上等的人,互相幫助又不拖不欠。最教人討厭,就是那些每每認親認戚搵着數的江湖術士。
香港人自己也要爭氣。常言道,貪婪和恐懼,是浮遊在我們耳邊的兩隻魔鬼。聽來too good to be true的事,通常好夢難圓。百年盛世的機遇,thanks but no thanks。
「你哋唔擁抱祖國,遲早會被邊緣呀!」究竟誰在國際政經舞台到處樹敵,自我放逐,未來的歷史自有公論。

利世民
http://www.fb.com/leesimon.hk
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載