› 選擇地區
三藩市
紐約
洛杉磯
其他美國地區
香港 台灣 北美
 
2017年08月22日

七級偽術:
有特朗普,哪怕沒話題 - 彭瑪莉

Hope Hicks芳齡28,能有效為總統出謀獻策,排難解紛嗎? 資料圖片

白宮月頭手起刀落,炒了短命傳訊總監Scaramucci,大快人心,公關界無不額首稱慶。不是咁偉大為侵侵着想,只是唔想有咁低水平嘅人,坐正超級大國總統身邊頭號公關智囊之位,徹底摧毀本行業的專業形象。
但咁講啦,銅油酲始終只能裝銅油,送走了門外漢總監,不旋踵,白宮又作個叫人跌碎一地眼鏡片的任命,一位芳齡28的美女行家Hope Hicks兩周後又被委任為臨時傳訊總監,說是臨時,不知要臨時多久,但你問我,原傳訊班底真係要好好EQ先忍到。
唔係性別歧視,也不是年齡歧視,只是再叻女都好,工作年資僅得5年,在香港的大企業,最多升到高級主任,始終只能擔當最基層的任務,視野、胸襟、經驗能有多宏闊,真的能有效為總統出謀獻策,排難解紛嗎?
Mary唔知白宮一班資深傳訊行家,如何咽下這啖氣,尤其當他們知道這位妹妹總監又是第一千金的前愛將,曾為她的時裝品牌做宣傳時……well,由宣傳時裝到宣傳一個國家元首,誰道美國不是一個叫人夢想成真的國度。
有人分析這位妹妹的上位之道,就是最叻發Twitter,撞正侵侵係個Twitter怪,她就最叻乖乖坐在一旁,仔細記下老細想Tweet乜,然後一五一十發出去。唔少侵侵啲惹火留言,就係咁留傳後世。
講時講,呢幾日又有金句呀,當Merck藥廠主席兼行政總裁Frazier公開表示要退出侵侵嘅製造業議會,以抗議佢對極右示威衝突的曖昧態度時,侵侵以這樣的Tweet文回應:「咁Frazier辭咗職,咪可以專心睇下專刮民脂民膏的天價藥物,可以點樣賣番平啲囉!」
總統喎,笑爆咀!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載