› 選擇地區
三藩市
紐約
洛杉磯
其他美國地區
香港 台灣 北美
 
2017年08月22日

金手指:給八達通公開信 - 孫柏文

八達通行政總裁張耀堂。 資料圖片

香港人,不論左中右,藍定黃,有兩樣嘢係植入咗DNA入面。一,效率。二,私隱,又即係「關你叉事」或「點解要畀你知」。而當香港人睇落「落後」,唔用新科技,就一定係該樣科技對效率嘅貢獻overstated。而如果真係更有效率,唔用,一定係出賣私隱。
仲有,如果嗰樣嘢既提升效率,香港人又覺夠私隱都唔用,就一定係因政府唔畀。
講真,見財爺波叔話撥100億揼落科研,真係戥佢慘。香港最唔缺係資金,全球各地銀行系統人均最多存款就係香港,唔係冇錢呀。更加唔係冇橋。不過當整爛玻璃門要坐一年,爬鐵欄入廣場坐都要踎監半載(好彩黃之鋒冇喺公民廣場點煙,如果唔係告埋佢用二手煙蓄意企圖謀殺)。所以面對金管局同證監,邊個會敢做新嘢?
點都好,鬧完,同周末上街嘅人一樣,知道講完都唔會有變,不過唔鬧真係條氣唔順。
入正題。八達通CEO張耀堂,得你哋呢啲既得利益集團可以做,我唔可以開公司同你鬥,所以我求你爭氣喇。有人就係信埋啲咩大數據賤賣用戶私隱而被請走。
八達通最優勝,就係私隱。你瘋狂做好私隱,跟住見呢三類交易都用八達通系統的話,就贏。一,鳳姐,二,私煙商,三,我收條鋤D數。如果金管局話唔畀,例如限呢樣限嗰樣,記得公開,因如果唔係一定賴你。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載