› 選擇地區
三藩市
紐約
洛杉磯
其他美國地區
香港 台灣 北美
 
2017年08月24日

中環在線:港交所出po𠱁同事 - 李華華

港交所噚日喺微信出po𠱁冒住颱風返工嘅同事。 互聯網圖片

天鴿成功衝破李氏力場,雖則港股全日停市,但港交所(388)職員都唔係個個放假,將軍澳數據中心就需要風雨不改,全天候運作,港交所噚日下晝就喺微信出po𠱁同事。
港交所喺將軍澳有兩個數據中心,一個係做街外客生意,幫人托管設備,另一個就係交易所自家旗下所有市場交易同結算系統運作。打風時,當值職員要解答設備託管客戶查詢,又要預備颱風一走重新開市,咪話唔緊張。多得呢班手足,交易系統過去10年運作率達到百分百。
若果有風打到嚟,數據中心就會安排特別更表,保持足夠人手運作之餘,亦確保職員安全返工放工。員工餐廳打風暫停營業,但港交所都會提供颱風膳食津貼。
不過打風始終都有危險,港交所除咗冧自己同事,不忘讚打風下要工作嘅打工仔都係無名英雄,為城市付出!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載