› 選擇地區
三藩市
紐約
洛杉磯
其他美國地區
香港 台灣 北美
 
2017年09月01日

中環在線:雲遊搵阿里舊部做COO進軍Fintech - 李華華

簡理財新上任嘅COO張陽現年36歲,喺阿里巴巴工作超過十年。互聯網圖片

一直經營遊戲業務嘅雲遊(484)有意發展金融科技(Fintech)咁喎!公司噚日於北京宣佈,收購Fintech平台簡理財,簡理財CEO張陽出任雲遊COO,即日生效。
雲遊主席汪東風指,簡理財係雲遊進軍Fintech嘅一張門票,未來要做「普惠金融領域的AlphaGo」。
汪東風介紹,收購簡理財只係雲遊Fintech戰略嘅第一步,未來將結合簡理財已積累嘅業務優勢、技術優勢同雲遊嘅互聯網入口、流量,進行「圍繞打造更強核心能力,在金融鏈條各個環節佈局」戰略升級,通過雲遊自身大數據處理能力、機器學習基礎上嘅風控技術模型,配合應用場景進行商業決策。
新上任嘅COO張陽現年36歲,喺阿里巴巴工作超過十年,又喺雅虎中國、淘寶網、口碑網、支付寶、阿里雲等擔任過高級管理職位。佢前年創辦簡理財,主要通過簡理財品牌經營網站同手機APP,於內地從事互聯網金融。
雲遊噚日股價冇乜點郁,可能大家對張陽都係抱觀望態度。

李華華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載