› 選擇地區
三藩市
紐約
洛杉磯
其他美國地區
香港 台灣 北美
 
2017年09月05日

Can Bank:金仔玩飛彈玩上癮 - 散子

金仔(左二)近期玩飛彈玩得十分頻密。資料圖片

近期北韓金仔玩飛彈都玩得幾頻密,上個星期先有支導彈飛過日本,星期日又試射氫彈,今次係金正恩上台以來第四次核試,而發射飛彈方面,單計今年已經有成廿次。
港股在升完又再升之下,已經迫近大時代高位,對於成日玩飛彈嘅金仔,無視程度亦隨飛彈次數增加,目前效力大概維持到一日,聽日分分鐘又唔記得核試是甚麼。中、美、日應付金仔玩飛彈嘅策略仍然係處於制裁階段,金仔就越玩越投入,最新又有消息傳出,佢正準備新一輪洲際彈道導彈試射。
事實上,這幾次飛彈又好、導彈又好、核彈都好,從發射次數而言,似乎有啲過度頻密,北韓又好、美國又好、中國都好,相信大家共識都係,真係打起上來對大家都無好處。
金仔玩咁多次都無事,一定會再玩落去,不過咁,既然飛彈嘅嘢,講埋畀你聽係試,仲要係北韓,你信唔信佢會次次無事?有時啲嘢,唔怕佢有心,最怕佢無意,支飛彈唔知去咗去邊度,令到有人可以大條道理用武力解決。
恒指雖然兩萬八有一定阻力,但跌唔落去亦都係事實,叫大家走晒啲貨,根本唔合邏輯,無人會知大市會以咩原因調整,但金仔嘅舉動一定要留意,如果越演越瘋狂嘅,大家不妨適量減磅。

散子

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載