› 選擇地區
三藩市
紐約
洛杉磯
其他美國地區
香港 台灣 北美
 
2017年09月17日

嫌樓價貴 建築師花百萬裝修舊居

【周日專題】
「今時今日用100萬去買樓,當然可以搵到樓,但我做呢行一睇圖則,唉……都唔值呢個價錢。」現年30歲的建築師黎雋維(Charles),與父母居於北角和富花園近20年。想改善家居生活環境,但不想高追貴樓,Charles遂將現有物業大翻新。

講究用料細節

單位客廳主要以白色為主,但其中一幅牆竟大膽採用深灰色。Charles指,「香港人覺得髹晒白色先有空間感,其實係誤解。」凡事無絕對,一如歐洲當代室內設計風格,個別一兩幅牆巧妙用上深色,空間的層次即時更鮮明。如果用純黑色太Heavy,在灰色中溝少少綠色或紅色,就望得舒服。
大廳的灰色牆身與房間的顏色互相呼應,想空間更有型有層次?最重要學識「連貫性」三個字,「呢間屋我唔會用一間房去做一個單位,每一個空間入面,都會見到另一間房嘅顏色,整個空間有個連貫性。」格調即時提升。
20年過去,Charles已不再是搬入時的小男孩,人大了,對私人空間的要求自然更高。單位原則是三房一套,他趁今次大裝修,將單位房間位置重新分配,變成三房兩套,客廁變成自己房間的套廁,居家更自在。
改則、重鋪電線、水喉、木工、家具一次過更換,Charles花上百萬元,有人會覺得貴,但只要走入單位,就知錢用得其所,因為他講究的是用料細節,「最貴花咗一啲可以掂到嘅嘢,譬如門嘅手抽、門柄,用一啲比較好嘅實木去做。正如你着衫都可能會有少少名牌,其他會平嘅,咁你就會襯到成個感覺出嚟。」
香港樓價雖貴,但手持100萬元,要上車其實非難事;談到將來成家立室,他指料會與父母同住一段時間,才再考慮會否買樓。「但我哋呢行一睇圖則都知唔值呢個價錢,所以我會選擇算囉,不如錢花喺其他地方,做番好個室內設計。」

記者:倪敏慧

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載