› 選擇地區
三藩市
紐約
洛杉磯
其他美國地區
香港 台灣 北美
 
2017年09月29日

智取大市:長命調整玩死人 - 晉佳

港股中線調整相信會以反覆下跌嘅方式進行,暫時要忍吓手。 李潤芳攝

恒指一直維持於250小時線嘅關鍵水平之下,即市阻力重重,現貨噚日跌220點,以全日最低位收市之餘,執筆時期指繼續低水。熱炒股近排都死跟恒指上落,睇嚟恒指未企穩250小時樓上,都費時積極建倉。
如果恒指今日顯著下跌,更跌穿周二低位27300點,從技術走勢上,就可以確認係年初至今最差市況,進入今年最長調整浪。配合恒指月線圖、周線圖9 RSI高位由80嚴重超買水平見頂回落,唔係短線超買咁簡單,而係中長線超買。因此估計整個調整浪,有機會長至以月計。技術調整有可能為期較長,加上投資者已對調整有一定防備,情緒唔會太大起落,同時滿倉股民為數相信亦不多,未必冇龐大貨源喺市場上拋售,相信要形成類似港股大時代嗰隻連日急插嘅恐慌性拋售,機會唔高。結論係,中線調整相信會以反覆下跌嘅方式進行,短線會一浪低於一浪。
如果係咁,每次反彈就成為沽貨機會,每次恐慌性拋售就成為博反彈機會,但賺錢難度會比1月至8月期間高幾倍。大家最期待急挫形成黃金撈貨機會?恐怕未有耐出現,如果唔夠耐性,恐防會太早撈貨,呢一刻要忍吓手。

晉佳
http://www.fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載