› 選擇地區
三藩市
紐約
洛杉磯
其他美國地區
香港 台灣 北美
 
2017年10月18日

財女手筆:翻炒舊書夠閱文發達 - Melody

騰訊分拆上市的閱文集團,近年加入內地小說戰團。互聯網圖片

早係十幾年前,就覺得港台小說篇幅太短,唔夠過癮盡興,好彩發現咗廣闊嘅內地小說市場!當年熱門小說最多賣「字」,作者收小說出版費,仍未有電視劇、電影版權出現,由《夢回大清》、《步步驚心》一路睇睇睇,沉醉幾十萬一本嘅字海。當時每套熱門小說要分上中下集,因為「字」先最搵到錢,造就到好多內地作家成名,好似桐華、顧漫、金子等等,不過唔知點解,好多都係身居海外嘅華人作家,哈!
當然賣小說,已經發個滿堂紅,因為睇書係低消費活動,學生、貧窮打工仔女,個個都消費得起,加上現時有電視劇、電影扶助,作者發過豬頭。不過騰訊(700)分拆上市的閱文集團,當年其實根本未有份,近年先加入戰團,出錢買起網上小說出版平台。不過,創意好值錢,至少仲有好多舊嘅熱門小說未翻拍做電視,《微微一笑很傾城》、《三生三世十里桃花》其實已經出版近10年,並非新作,所以相信閱文前景都係美好!
不過可惜手上無價值45萬嘅騰訊股份,非常睇好就等上市後買一買,對得住十幾年晚晚係被窩煲書嘅青春。

Melody

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載