› 選擇地區
三藩市
紐約
洛杉磯
其他美國地區
香港 台灣 北美
 
2017年10月20日

知己知彼:雷蛇比美圖更值博 - 風吹知

電競業發展迅速,越來越多人注重遊戲設備嘅質素,雷蛇有升值潛力。互聯網圖片

無論是國內外,還是香港,近年最吃香的職業是科技專才,打着創科旗號的公司如雨後春筍般冒起。不少科技公司,就算年年蝕錢,亦不乏投資者爭住科水,股市方面,蝕錢上市繼續cap水的大有人在,前有美圖(1357),最新有遊戲設備公司Razer(雷蛇),計劃在港交所掛牌。
講到蝕錢上市,Tesla係最佳例子,2003年成立,2010年美國納斯達克上市。個朵就夠晒響,雖未至於一街都係,香港街頭亦不難見佢嘅身影。不過你或者唔知,Tesla上市至今未有一年係賺錢嘅,雖然銷售額增長強勁,但收入嘅升幅永遠追唔上研發、銷售及行政等開支嘅升幅。點解仲有人肯投資或者買股票?投資嘅嘢,唔係睇現正,係睇未來。因為大家都睇好電動車未來發展,將是各科技巨頭必爭之地,身為行業領先者嘅Tesla被視為優質潛力股。
香港呢邊,同樣蝕錢上市嘅美圖同即將上市嘅雷蛇前景又如何?筆者認為,雷蛇絕對比美圖值博,更有升值潛力。首先睇吓兩間公司分別點賺錢,用戶億億聲嘅美圖係靠賣美圖手機賺錢;雷蛇定位是電子遊戲周邊設備,特別專注於近年興起嘅電競行業。
《蘋果日報》有記者今年3月份曾直擊美圖手機專門店,門面冷清,新機銷情慘淡。就算你話佢主要做線上銷售,香港咁多大陸人,出街冇幾何見到有人用美圖手機。
而雷蛇就唔同講法,新興電競業發展迅速,除課金外,越來越多人注重遊戲設備嘅質素,願意使錢提升遊戲體驗。工欲善其事,必先利其器,筆者身邊亦有朋友願意花幾千至萬元去買更專業嘅滑鼠、鍵盤、耳機等。《英雄聯盟》、《絕地求生(PUBG)》、《Dota》等熱門線上遊戲,玩家人數遍佈全球,雷蛇面向嘅係全球嘅遊戲玩家,就算以上遊戲沒落,亦會有新的遊戲出現,周邊的市場同樣會受帶動。

風吹知

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載