› 選擇地區
三藩市
紐約
洛杉磯
其他美國地區
香港 台灣 北美
 
2017年10月25日

Money Walker:基金面對汰弱留強 - El.

ETF已經唔單單係追蹤現有股市指數,聰明啤打ETF嘅持股都係揀過先買,性質上介乎傳統ETF與主動型基金之間。 資料圖片

全球ETF興起,反映投資自主化大勢,傳統基金被指收費高昂蠶食投資回報,ETF則以運作簡單加費用低廉取勝,成為自主投資常用工具。
時至今日,ETF已經唔單單係追蹤現有股市指數,有ETF供應商甚至與指數供應商合作,前者會要求後者先按其指定準則篩選股票,以度身打造一個指數,其後ETF供應商再推出追蹤該指數嘅ETF。呢類新型ETF屬聰明啤打ETF(smart beta ETF,即追蹤不按市值選股之指數嘅ETF)一種,所追蹤嘅指數會用上大量準則,如企業盈利增長、估值等數據,以篩選出指數成份股,並決定各成份股比重。
同屬ETF,上述新型ETF嘅持股都係揀過先買,性質上介乎傳統ETF與主動型基金之間。同時,由於指數成份股內容與比重一早制定好,呢類ETF面世後只需一直追蹤該指數,因此收費遠低於主動型基金。
上述新型ETF無疑有可能進一步打殘基金業,不過主動型基金並非零存在價值,事關要將質化資訊完全量化為選股準則存在困難,只有人腦先識得彈性地從國策、加息預期同板塊輪動中判斷獲利機會,再smart嘅ETF都冇可能識得動態地跟隨市況,計算幾時買同幾時放。所以與其話ETF打殘基金業,倒不如話ETF嘅出現,逼使基金進入汰弱留強時期,只有識得不時從各類大趨勢與個別事件中發掘到投資機會嘅基金,先至站得住腳。
El.
fb.com/moneywalkerhk
本欄逢周三刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載