› 選擇地區
三藩市
紐約
洛杉磯
其他美國地區
香港 台灣 北美
 
2017年10月27日

資深經紀張天生:夜總會打躉識客

本港60至80年代經濟騰飛,亦是俗稱紅衫仔的出市代表,紙醉金迷的年代。第一代出市代表、資深經紀張天生(圖)曾被高薪挖角,成當時全行人工最高的出市代表,但亦令他差不多輸身家。他說:「做經紀嘅最大得着,係令我見到好多嘢!」
張天生1958年入行,加入香港會旗下證券行做「後生」(Office Boy),半年後開始為客戶買賣股票。1960年代末期,股市暢旺,「嗰陣每日做兩千萬生意,晚晚要開OT。好多人打去香港會買股票係買唔到,因為電話聽唔切。」此時,華資公司對上市集資的需求也越來越大,促使遠東交易所於1969年成立,出市代表亦開始出現。

相關新聞:券商老闆蔡陳葆心:鬥快跑嗌到聲沙

當年金融界最高薪

遠東會員證券行之一、馮景禧創辦的新鴻基證券,以每月2,000元高薪聘請張天生做出市代表,成為當年金融界最高薪的人。當年一個數百呎單位,都只是3萬元。
錢易來自然易去,張天生指「當時要識多啲客,就要識應酬。你早放工返屋企,啲客唔會上門搵你吖嘛。我都係喺夜總會識馮景禧。」收市後去跳茶舞、晚上去夜總會、逢周末到台灣旅行便成例牌行程。
當年3點半收市,張天生先去灣仔杜老誌飲下午茶、跳茶舞,因此認識已故股壇名人香植球,「之後就每個人帶個小姐去喜萬年(夜總會)跳舞食飯,夜晚11點都唔返屋企,要去避風塘食宵夜,好開心㗎!」更誇張的是,「逢星期五收市,就同成班闊佬去台灣,機場入面個個都識,(經紀)幾乎包機,星期一就搭早機返嚟開市。」
張又稱:「試過追(夜總會)小姐,當時要買鐘,嗰日佢冇返工,我都照買起佢50個鐘,佢第二日返工幾有面。」當時夜總會有駐場歌手,他常被邀請上台jam歌,朱咪咪、徐小鳳都曾與他合唱。1973年股災,張天生要出售天后道3個物業還錢。之後他只替客戶買賣賺取佣金,更說:「做呢行,發達嘅人好少,走佬嘅就好多!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載