› 選擇地區
三藩市
紐約
洛杉磯
其他美國地區
香港 台灣 北美
 
2017年10月27日

智取大市:打巷戰兩大要訣 - 晉佳

近期港股氣氛轉冷,散戶情緒由亢奮轉為控制持倉,反應十分靈敏。 資料圖片

港股投資者反應之快,可以從近期港股氣氛轉冷之中睇得出,只係幾日偏軟,就令散戶情緒由亢奮轉變為割禾青、控制持倉,短短一星期就令唔少投資者情緒作出一定程度改變,反映散戶對市場靈敏度大增,一有風吹草動,散戶已經將持倉減到安全水平。港股年初至今直線上升,冇大調整,散戶反應靈敏亦係主要原因之一,因為震一震,啲冇信心嘅短線客已經震晒出嚟,於是一日未見終點,大戶亦毋須大震倉多此一舉。當然,呢個劇本唔會無限Loop落去,畢竟升咗10個月了。
兩三星期前,小弟發表中線調整至少一兩個月嘅睇法,恒指如預期回落幾日。最近兩日,市場上唔少人估後市調整,小弟變為主流,多少有點不安,試問個個估調整,又點會個個成功高沽低買咁爽?於是喺市場反應過敏之際,整固初期較大機會進入巷戰,唔似直線下跌。
打巷戰要注意乜?第一,夠唔夠打。如果閣下近期於大市調整期間一直戰鬥,但戰績保持喺歷史高位水平,證明你夠打,手風順後市尚可再戰。如果近期股票倉淨資產開始偏離高位,證明唔夠打,可選擇忍手。第二,都係嗰句,宜撈不宜追。可以買乜?不妨睇返上一期。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載