› 選擇地區
三藩市
紐約
洛杉磯
其他美國地區
香港 台灣 北美
 
2017年11月03日

中環在線:天貓力推大馬特產 竟然係…… - 李華華

大馬人鍾意食的「茱蒂絲」梳打餅。

一年一度「雙十一」,阿里巴巴今年特別落力宣傳,先係老闆馬雲做「男一」有戲上映,近日又帶班傳媒去到馬來西亞搵當地知名品牌傾合作,想將馬拉特產放上天貓賣咁話。
講起馬來西亞,大家會諗起乜嘢土產美食?華華同大家一樣,最掛住街邊嘅榴槤同地道白咖啡,仲有蝦麵同咖央多,但原來除此之外,當地燕窩都出名平靚正,兼可以買走做手信。
天貓港澳台東南亞業務總監卓錦清仲推介有溯源碼認證嘅燕窩牌子,話有呢個認證,萬一有問題都有得追本溯源,仲力sell啱啱同佢哋簽咗合作協議嘅馬拉燕窩商家「燕窩正典」。
最估佢唔到嘅,係馬拉仲有隻叫「茱蒂絲」嘅梳打餅都好好食,卓錦清大力推薦華華一定要試,尤其係芝士味,下次去開馬拉或上天貓shopping,大家可以順便留意下。

李華華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載