› 選擇地區
三藩市
紐約
洛杉磯
其他美國地區
香港 台灣 北美
 
2017年12月05日

大棋局:特朗普稅改堅嚟料 - Mr. Tregunter

美國30年來最大規模嘅稅改,重點幾句講完:如果美國稅率夠低,你會去美國定中國開公司?錢會流去美國定流出美國?
12月2日,美國參議院以51票贊成,49票反對的結果通過特朗普稅改法案。稅改法案先後在美國參眾兩院獲得通過,由於參眾兩院的版本有部份不同,現時只等兩個版本修訂協調便會實施。兩個版本的主要條款相同,分別在新稅率實施時間,參議院版本實施時間為2019年,眾議院版本為2018年。其他如對個人所得稅級的調整、個人稅率減免的時限、公司稅減稅的啟動時間、稅收抵扣相關規定等,仍需兩院協商。
特朗普稅改兩大重點,其一,企業稅率從35%減至20%。調低企業稅,將吸引全球資金到美國合法避稅,乃至跨國企業遷冊至美國。去年內地有企業家決定寧願在美國投資生產基地而不在中國,引來熱話。當時有企業家表示,在中國一半利潤要嚟交稅,增值稅是最大負擔。美國冇增值稅,只有35%嘅所得稅已經吸引人建廠。而今所得稅減至20%,可想而知威力會有幾大。以偏低稅率吸引外資的地區,如香港,亦會感受到壓力。
其二係調低美國企業匯回海外利潤的稅率,由7.5%至14%,也就係過去提及的美元萬劍歸宗撒手鐧。此前企業匯回海外利潤要交35%稅,跨國企業為咗避稅將錢暫時囤積喺海外,估計有2.6萬億美元。呢筆錢如果調回美國,效果將等同一次QE。原理已講過,就係當美國縮表時貨幣緊縮,萬劍歸宗可對沖緊縮,所以縮表同美元回流必須一齊做。
逃避經濟循環最簡單嘅方法係搶。歐洲15世紀大航海時代經濟蓬勃,其中一大原因是從海外搶回黃金、白銀、香料。QE係放,作用如嗎啡止痛;美元回流係收,等同啪完嗎啡食兩條人參。只不過呢兩條人參,現在要從別人處拿來。

Mr. Tregunter
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載