› 選擇地區
三藩市
紐約
洛杉磯
其他美國地區
香港 台灣 北美
 
2017年12月12日

大棋局:Bitcoin大莊家之爭 - Mr. Tregunter

Bitcoin期貨出籠,一場比特幣大莊家之爭悄悄地展開。 資料圖片

一場比特幣大莊家之爭悄悄地展開,我哋會睇到世界上最高級的賭場係如何運用金融技巧。12月10日,芝加哥期權交易所(CBOE)搶先一步推出比特幣期貨,比芝加哥商品交易所(CME)還要早一個禮拜。
今年2月最後一個交易日,一個比特幣價格正式超過一盎士黃金,執筆時已炒到16,000美元,價格係今年2月時的13倍。連早前講「夠蠢先會去買比特幣」的摩根大通CEO戴蒙都決定收口。
原來據對沖基金AQR Capital Management估算,全球40%比特幣,可能由1,000人持有。讓人聯想起昔日的黃金定價機制,因為歷史原因,二戰後黃金每日由五大行定價。貨源太歸邊,牽涉兩個問題,其一,持重貨者透過買賣可以主導市場價格,即掌握定價權;其二,掌握定價權嘅人越少,越容易出現打莊情況。11月時比特幣仍然徘徊6,000、7,000美元,今個月炒到上16,000美元。如果有炒家在11月入貨,今日賣一半已回本,之後就算當廁紙咁賣都係淨賺,現時跟風炒比特幣風險極高。
近百年的金融發展都說明一個原理:金融期貨可以搶實物現貨定貨權。留意CME比特幣期貨合約,其比特幣匯率係按GDAX,itBit,Bitstamp和Kraken幾個比特幣交易所成交價加權計算,名單上反而欠全球最大嘅Bitfinex。加權計算,Bitfinex權重將主導價格。賣甩Bitfinex,就係唔想期貨價受大戶影響。因為當貨源太歸邊時,大戶要出貨只能在成交量高嘅交易所賣先有人接。可以隱約看到,CME有意將定價權攬過嚟,今次係一場民間做莊定傳統金融體系做莊之爭,也左右數字貨幣將來繼續去中心化,還是回歸政府主導。

Mr. Tregunter
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載