› 選擇地區
三藩市
紐約
洛杉磯
其他美國地區
香港 台灣 北美
 
2017年12月14日

中環在線:遊萊股東原來係賭王家姐孫女 - 李華華

入股遊萊互動嘅孫詠霜(中)係六姑娘何婉文孫女。

上星期提到,有一隻遊戲新股遊萊互動(2022)竟然得到「賭王」何鴻燊家族成員孫詠霜入股,一度令人以為澳門賭場真係可以搬到線上。當時招股文件只係透露孫詠霜同佢配偶何劍鋒認購300萬美金,冇人講到佢哋同賭王到底有咩關係。
當時孫詠霜有份出席招股記者會,可能因為家族基因太勁,唔使多講都估到邊位係佢。而華華經過一輪明查暗訪,終於搞清楚嘞。英文全名SWING Jennifer Patricia嘅孫詠霜,相信就係賭王家姐「六姑娘」何婉文嘅孫女,孫詠霜應該叫賭王一聲舅公。

老公何劍鋒有來頭

而佢配偶何劍鋒都好似來頭唔細,可以話係澳門才俊,擔任澳門青年企業家協會常務理事、建築置業商會監事會成員同埋地產業總商會副理事長。
不過話時話,賭王家族認真龐大,何鴻燊本身排行第九(暱稱九爺),佢有好多姐妹,被外界叫做「乜姑娘」。六姑娘鮮有新聞,最多新聞可能係「十姑娘」何婉琪,佢個仔何東舜銘與息影女星陳復生(現名陳薇光)離婚,曾就贍養費對簿公堂。八姑娘何婉鴻就好似同「賭王四太」梁安琪幾老友;孻妹十三姑娘莫何婉頴就於去年底辭世,享年92歲。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載