› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

七級偽術:網絡自衛術 - 彭瑪莉

網絡乃開放平台,開得fan page就要有所準備,隨時見招拆招。資料圖片

由半信半疑、趦趄不前,到殺到埋身、唔到你揀,今之品牌,泰半已作了全身投入社交媒體的準備。

無事無幹,社交媒體確係幾好玩,出吓post、收吓粉絲、呃吓like,小編輕輕鬆鬆同網民互動engage吓,平平哋叫做有參與網絡宣傳。

風和日麗梗係人人笑,但翻風落雨時呢,你又準備好未?

不用說到危機咁嚴重,網絡乃開放平台,打開門口見人,百貨百客,點會話無人投訴針對你,所以開得fan page就要有所準備,隨時見招拆招。

視乎閣下行業是甚麼,管理員或小編的定位如何,處理刁難網民,也有不同做法。

識得玩、適合玩,又聘得高明小編的,面對批評,當然可以高招啲化解於無形。例如扮矮仔玩自嘲(當然也要承諾改過);笑笑口輕鬆否認(重點是真的冇錯,而且唔覺唔覺附以證據,以正視聽)。網絡年輕人主導,掌握到他們的脈搏和溝通方法,就可以四両撥千斤。

若果嬉皮笑臉唔啱閣下品牌,就要走另一條路。首先冷靜啲,不要驚,也不要輕舉妄動。

唔係有人爆你,你一定即時還拖的。幾嬲都好,深呼吸幾下,一邊揸吓壓力波,一邊諗清楚對方到底想點,end game係乜先?分析完才決定這人有否engage的必要,如果此刻未宜展開對話,不要勉強去馬。

即使決定engage,也宜先試試以「線下」offline做,衝動的人最要面,眾目睽睽要佢軟化,並不容易。在線下,你要有offer畀對方都易啲。

不過在公開平台,通常是禮多人不怪,無論對方多無理,總之千謝萬謝,保持儀態,等其他網民自己看清楚誰合理誰野蠻。

彭瑪莉
marypang2015@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載