› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

【名家搶先睇】家姐買樓 我睇淡都冇得輸 - 湯文亮

我兩個家姐突然買樓,傳媒知道之後當然大肆報導,有人話我口是心非,講一套做一套,睇淡樓市但家人又買樓,我認為他們辭不達意,就算我講一套做一套,都只能話我口非心是,並不是口是心非。

其實,我兩個家姐買樓又有什麼出奇,二家姐廖太要買隨時都可以,買十億八億都冇問題,又唔使問銀行借錢,至於大家姐,年尾分到錢都唔知點用,買樓最實際,每個月收十幾萬元租金,回報亦不俗,況且樓價長遠必升,所以,根本不存在口非心是。其實,我講了很多次,只是細價樓爆煲,而非樓市爆煲,我講的與高官講的不同,他們話樓市有下行風險,如果要將軍,就請將他們,唔好將我。

有消息傳出,不少睇好樓市的專家,包括測量師、學者、分析家,他們原來是租樓住,大家是否很震驚。其實,他們當中有不少人是曾經是業主,但在幾年前早就將自住單位賣走,不過,他們將單位賣走之後,反而不敢睇淡樓市,否則記者就會話他們將單位賣走之後唱淡樓市,迫不得已唯有口是心非,不斷發表有利樓市言論,而且有幸言中,內心其實很痛苦。

事實上他們的處境與我正好相反,雖然大家誤會我睇淡樓市,但無論睇好睇淡,我都不會出售手上物業,倘若樓價下跌,我可以話已經提醒了大家,但若果樓價上升,我雖然被人笑到面黃,其實,我內心不知幾開心,嚴格來說,我是立於不敗之地,而那些租樓住而又唱好的專家,他們的情況與我剛好相反,樓價上升,他們可以取笑我,但內心是痛苦,倘若樓價下跌就有失專家這個名銜,不敗之地變成不勝之師。

湯文亮

蘋果財經,關心你飯碗
http://fb.com/appledailyatm

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載