› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

中環在線:
為廣以理工揭牌 超人父子打親子呔 - 李華華

李澤楷同李嘉誠打埋同款領呔。

前排傳出李嘉誠基金會喺汕頭大學嘅辦公室被「除牌」,基金會其後否認傳聞,噚日李嘉誠就以汕頭大學校董會名譽主席身份,出席廣東以色列理工學院「中以教育科技合作」活動,同行嘅仲有細仔李澤楷(Richard),以行動證明一切。
超人呢幾年成日俾人話撤資,不過生意歸生意,慈善歸慈善,佢依然成日向內地項目捐錢,尤其係汕頭大學嘅項目。早於2013年,李嘉誠基金會就捐出超過10億元(1.3億美元),將以色列理工學院引入中國,喺汕頭大學校園興建一所全新理工學院,就係廣以理工嘞。
噚日廣以理工揭牌,Richard同爸爸一齊去,仲要打埋同一款藍色底紅色幼條領呔,Richard喺新聞稿度話「父親時常提醒我,追求學問永無止境,而他始終不渝的支持高等教育和科學研究,以期造福人類,正體現了他的這種信念」。
超人亦再捐出1,000萬人仔支持廣以理工發展,希望學校為粵東帶來新格局。超人呢日亦相當happy,以色列理工學院校長拉維送咗份特別禮物「公羊號角」畀超人,超人即場試吹仲要影相開心share㖭。為表文化交流,揭牌儀式上學生表演醒獅、潮州大鼓,同埋希伯來語歌曲《Hine Ma Tov》。廣以理工目前有216名來自廣東同其他省市嘅學生,明年就有海外學生入讀。

李華華

mailto://LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載