蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月08日

不覺支付技術落後 「八達通仲方便」

14,579

【本報訊】快速支付系統(FPS)今年第三季出台,陳家強認為有利支付業務發展,香港金融科技業迎來更大空間。而一直有人詬病香港支付技術落後於內地,他不認同,「用電話畀錢,係咪真係方便好多呢?我張卡仲方便啦」。

相關新聞:返科大任教 冀谷監管科技

稱的士支付有進步空間

陳家強表示,過去兩年以來,不斷有人說香港支付科技落後,但回望過去,並不是落後與否問題,只是市場習慣有別,「香港好多人鐘意用八達通、信用卡,你話如果擺入手機到,係咪方便好多呢?我張卡仲方便啦,我懷疑我呢個經驗,好多香港人都有,冇嗰種要推動你用手機支付嘅誘因。」
不過,陳家強認為,香港的士支付上確有進步空間,「我耐唔時都要去ATM拎錢,唯一原因係搭的士;又或者食完飯畀錢,去ATM撳錢都煩,如果可以解決都方便好多」。
金管局今年出台FPS,好處是打破金融工具轉賬隔閡,做到實時結算、24小時運行,並連繫各大銀行及電子錢包,陳家強指令人期待,「FPS係全世界最先進嘅支付系統,由原本銀行與銀行之間結算,到個人與個人之間結算,最終好多電子錢包會出現搶佔商機,好刺激」。
展望香港金融科技發展,陳家強坦言不甘心香港人只做本地市場,認為應進軍內地,「好多人話內地科技公司人多、錢多,好難打入,我唔完全同意,因為科技會變,今日香港要做創新,唔應該只做金融,例如可以諗下將AI(人工智能)應用喺醫療上面」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載