蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月15日

中環在線:
馬化騰:中國網絡犯罪技術領先全球

6,502
馬化騰

內地科技發展一日千里,除咗騰訊(700)、阿里巴巴等科技巨頭會研究發展大數據、人工智能外,連網絡犯罪集團都先進到利用人工智能去賺錢牟利。作為一間互聯網企業,騰訊少不免經常要同網絡黑客周旋,但睇嚟呢班黑客都唔易對付,令騰訊主席馬化騰噚日都不禁表示,中國網絡犯罪集團嘅技術已經處於全球領先水平,新型網絡犯罪仲要日益產業化、智慧化、國際化。

用AI破解網絡登錄驗證碼

到底班黑客有咩咁厲害?馬化騰表示,佢哋已經識得利用AI神經網絡破解網絡登錄驗證碼嘅技術,而AI技術仲加快咗黑客由企業數據庫中竊取用戶數據嘅速度。
不過,馬化騰就表示,唔會怕佢哋,會利用騰訊嘅大數據,配合公安機關打擊網絡犯罪。馬化騰最後更公開呼籲,中國互聯網嘅安全,已經唔單係騰訊一間公司嘅事情,已經上升到去安全問題,所以每個人都有責任去做一位「鋼鐵戰士」咁話。
不過,講開而講,中國嘅黑客原來已經發展得相當組織化,更加會有師徒制度。
黑客會係QQ群,指導學徒使用黑客技術,例如設置惡意網站偷取個人身份信息或銀行賬戶。學徒經過學習成為職業黑客並會為佢哋師傅工作。完成培訓之前,學徒需要參加多個犯罪任務。發展到咁有規有矩,難怪會令馬化騰都覺得頭痛。

mailto:LiWaWa@AppleDaily.com

李華華

李華華
LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載