› 選擇地區
三藩市
紐約
洛杉磯
其他美國地區
香港 台灣 北美
 
2018年01月15日

小業主團結招租 荃灣劏場見曙光

【本報訊】著名劏場荃灣地皇廣場一班小業主聯合招租試圖洗脫死場之名,自1樓變身美食廣場後,出租率升近八成,有零食店主動洽租,有意租用2樓近600方呎樓面。死場似翻生,但數年前賣樓買劏舖的黎婆婆如今憶起仍嘆:「慘過雷曼!」
地皇廣場2014年開業,業主黎婆婆憶述,當年賣樓打算買另一層,後來經紀推銷,被首兩年租金回報5厘吸引,「舖位410萬,好細,得33呎,我唔知咁細,以為300幾呎,咁買舖着數過買樓啦!」收舖時「先知咁慘!諗住加租,點知(收)番嚟十室九空,仲慘過雷曼」,坦言有被騙感覺。如果她2012年選擇買住宅,400萬可買天水圍嘉湖山莊兩個3房單位,如今已值逾千萬元。

變美食廣場 人流增六成

廣場開業3年,出租率低,另一業主王榮梅稱:「見到個場毫無起色,坐喺度等死,不如團結啲。」去年開始聯合招租,「逐個業主解釋,過程遇到拒絕、唔好聽嘅說話,例如『你搞咁多嘢做咩?係咪喺度搵着數呀?』」結果全場逾230間舖,逾160間加入業委會。去年9月,1樓多個舖位涉及約4,000方呎聯合出租變美食廣場,王稱該位置原本租予百貨店,惟當時零售不景氣告吹,目前轉租予食肆,刺激商場人流增加六成,出租率升至80%。目前餘下最平舖位,實用33至40方呎,叫租約3,000元。
王透露有零食店主動洽租,擬承租2樓逾10舖位,涉及面積500至600方呎,「香港好多劏舖係死場,我哋希望成為香港劏場曙光」。不過租金未升,目前其舖位月租仍是5,000元,回報率僅1.25厘,但平租吸引租客,租客袁先生以4,000元租30多呎賣茶葉,4個月來,營業額每月近2萬元。
該場去年最大宗蝕讓為2樓雙號舖,僅以30萬元沽出,原業主2012年400.4萬元買入,持貨5年,蝕370.4萬元或92.5%。前中國小姐趙哲妤母親李渠興目前持該場7個舖位,她表示:「業主要團結先可以令商場有起色,有能力就出啲力。」

街坊心聲:

馮先生:
「知道之前係死場,估唔到𠵱家咁多舖頭租得出。有興趣返嚟嘅,(幫襯)個食肆囉!」

陳先生:

「地皇廣場之前唔係咁多人流,2、3樓吉舖多,1樓𠵱家有嘢食,多咗人,暫時幾吸引。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載