› 選擇地區
三藩市
紐約
洛杉磯
其他美國地區
香港 台灣 北美
 
2018年01月16日

中環在線:鹿晗戀愛險 阿爺都頂唔順 - 李華華

鹿晗(右)同關曉彤公開戀情,網上有人售賣鹿?「戀愛險」。互聯網圖片

阿爺近年加強內地保險業監管,不過騎呢產品依然多籮籮,之前網上有人售賣藝人鹿晗「戀愛險」,觸發賠償條件係佢失戀,連中保監都頂唔順,喺網頁公開叫人唔好買!

話說中保監幾日前喺網頁聲明,話有網上平台銷售公眾人物「戀愛險」,當中特別指明鹿晗戀愛險,賠償準則係佢哋仲係咪保持戀愛關係。介紹番,小鮮肉鹿?舊年10月喺微博公開戀情,女朋友係靚靚女星關曉彤。

呢個戀愛險之前放喺淘寶網,每單保費11.11元人民幣,如果兩口子一年後仍然保持戀愛關係,商家就會支付雙倍金額,不過竟然唔少粉絲投保。

所以中保監聲明話,戀愛險唔係保險產品,消費者要提高警惕,慎防不法分子利用網上平台發佈虛假嘅保險產品。如果遭遇到以保險為名嘅賭博、詐騙,要快啲同公安機關報案!

李華華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載